2.5.2003

屋村茶餐廳對正大門位置有一張八人長木台。我們在長木台後的卡位喝蘆薈蜂蜜。你說你賣了第一部車，我們拍手歡呼，笑聲未落，門外走來一黑背心年輕人，手持一支約尺半長銀色彷鐵通物體衝入來，朝長木台坐近門口一剷青男生打去。是策略是失準是近視，彷鐵通物體並未打落剷青男身上，只打到木台上，發出「0彭」一聲，掃跌塑膠茶杯。「X你老味XXX你夠膽就出黎！」「咩X呀！驚你有毛呀！」「咩呀！」「咩呀！」「咩呀！」 長木台上一穿掛頸粉紅色背心未成年少女一個箭步上前把鐵通男推到外面「你痴X左呀！」；同一時間另一個穿rock友黑色背心金髮女子拉住剷青男「咪X同佢癲啦！」。未幾，剷青男已點好煙開始憶述剛才的情形：「嘩，好X在我反應快，唔X係俾佢條XX一棍扑X到真係XXX！」。年輕伙記們笑意盈盈，若無其事搬好木台凳抹過木台又送上幾杯熱茶。長木台後四個年過二十曾經蒼海年輕過來人左顧右盼驚魂未定，在不足三分鐘後埋單走人，。 （「你估佢地打唔打得成？」）兩架極速單車擦身而過，一個兇神惡殺的非年輕人向事發現場走去。（「都係快Ｄ番屋企。」）