19.5.2003

「宜家搵工唔係靠學歷0既，係靠人事0既。橫掂有份工等緊我做，我又唔想讀中六。」 說話的是一個中四男生。這句話之前他一直在說一些嘔心得我不願勸止因為不想讓他知道我聽到的話。可是他這麼一說我又耐不住要搭口：「搵工可以靠人事，升職就一定靠學歷。除非你諗住做一份工一個職位一世啦。」「我唔要加人工，都唔想升職，混混噩噩一世唔好咩。」我的手開始震。「好。你想每個月搵六千玩哂就算就咁一世係咪？」他肯定地點頭。「咁邊個肯個個月俾六千蚊你俾一世呢？！你唔俾人睇你唔順超炒你架咩？！」「如果份工唔止六千，個老闆又唔會睇我唔順超咁點呀？」他說的是他爸。「就算個老闆係你老豆，（「係呀，係我老豆。」他大聲道。）佢都唔可以保證個世界唔會變啦。如果佢真係請你唔起俾唔到六千蚊你咁你點？」「哈，咁佢養我囉。」然後他真的哈哈哈笑起來。我在另一變為之氣結。原來為之氣結就是這樣子。「算啦搣匙，你拗佢唔贏0架啦。」我在旁差點氣得訓直。話說完了，氣一直不能下，手還在震，激動得厲害。他那麼把支閉大支野，那麼黑人憎（討人厭實在表達不到黑人憎的意思），卻那麼似曾相識。「痴線，我宜家一個月都三千啦，第日大個起碼要六千啦，仲要浦呢。」仍然激動，卻也忍不住笑。「第日大個」究竟是幾時？會考後不再讀書開始工作算不算「大個」，他們所指的「第日大個」是不是不足一年的之後呢？十三歲時覺得「第日」是十五歲，十五歲時又覺得十六歲才算大個，十七了又覺得十八才算成年，十八了又覺得自己書都未讀完唔算大個，於是到一拖再拖，大學畢業了，還未進化成完整的成年人。到底現在的我來到了「第日」沒有？「你唔係諗住２１、２歲仲同阿媽住下嘛？梗係搬出0黎啦傻仔。」我昨晚還在為還grant loan頭痛，賺來的錢原本已經不多，每個月未出糧已分餅，一份給媽，一份供這，一份供那，剩下的還不夠用。搬屋？獨立？「我計過架啦，一個月$8000，用六千，仲可以收起兩千，唔駛兩年可以買架車啦。」鐘聲響起，小息了。時間過得那麼快，我一點都沒察覺到。我的夢醒了，他們的夢仍可繼續。 今天看著媽媽的臉，我無法記起曾經在課室的角落跟同學說過的一堆人生大計。