集體遊戲之5怪

得年年點名，經熟慮及狠批後得出以下5條： 1. 睇戲(或入場後會熄燈活動)，會係熄燈一刻開始強迫身體全面靜止，以達到靈魂出竅效果。就算流到就面眼淚鼻涕都唔理。代表作有好風如水上半場個半鐘同半生緣頭兩個鐘(郁0個下會有「哎呀，破唔到世界紀錄」式遺憾)。常被(男性)朋友誤以為訓著左。 2. 比人挨住訓覺，會將自己0既呼吸調節到同佢一樣，或者為左維持起伏一致而閉氣。 3. 睇散文要random睇。成日以為睇哂又會搵到篇未睇好開心。 4. compulsive delayed gratification. 如果有兩碟野，會先食唔鐘意0個樣；如果有兩本書，先睇唔係咁想睇0個本；如果要寫兩封email，先寫無咩心機寫0個封，盡管寫0既過程中會不停諗住第二封0既內容。簡單0黎講就係save the best/the most desired for last. 5. ?辮或髻一定?兩次或以上。因為永遠覺得第一下唔好，又覺得之後無一下夠第一下好。 本來一下子就諗到一大堆，但係比唔寫blog唔睇blog朋友余小玲狼批答案唔正確，如「唱k一定要穿鞋」(好common);「遇見青豆一定要揀哂出黎」(只係你揀飲擇食)；「唔會係移動中抽煙」(唔係絕對唔會做亦唔算怪)。一係齋「癖」唔「怪」，一係齋「怪」唔「癖」，成張list俾佢插到體無完膚。查實真正0既怪事又點會講出0黎丫...... 誠邀以下幾位朋友接力或唔接力： 1. viv 2. beta 3. 5 4. wallis 5. 愛蓮 想知唔敢問: 1. 四百先生 2. 貓爸爸或大偉同學(江記會唔會考慮披露下?!)