搣匙同你ICQ之《15 vs 25》

15歲的男生說在他短促的人生邊上： -「呢個世界，生個熱血青年，個世界又幾冷；生個冷血無情，做人又無咩意義；做人想開心要熱血，生活順利又要冷血，阿媽又唔識教個仔又冷又熱喎」（勸戒我唔好生仔）； -「有時為理想而搵錢同為搵錢而搵錢好似無咩分別」； -「有料0既人有時會因為環境影響而上唔到去，造就左d屎0既人」； -「要接受呢個社會有中產亦都有低收入」； -「我唔信有命運」； -「如果要屋企好辛苦先供到我上大學，我寧願唔讀」； -「或者我有d厭世」； -「(咁你想做邊種人?)我諗．．．熱血青年掛」 深夜時分遇上暑假放了一日便找了日夜兩份工的中三學生。他說他不相信命運，亦沒有信仰；不會盲目等上天打救或發達，但亦不絕對相信人有自由意志。言語間他暗示「係叻都無用，屋企窮就要早ｄ出黎捱世界」。他表示家裡不是窮到無飯開，是他自己「固執」、「或者可以話係有骨氣」。細細個就好生性可惜亦提早將一對牛角轉爛。他不理會別人眼光，自行實現窮人世襲制，未等人家標籤先去標籤自己。如果說90年代的年輕人沒有role model可追隨，這一代的年輕人則連基本的信念也沒有。他們不相信誰，亦不相信什麼。雖然他也知道錢不是最重要，可是「錢」的確是最貼近他生活，看似最「實際」的一樣可以追求的東西。他知道做人無夢想同條咸魚無分別，可是他又分不開「為理想而搵錢」和「為搵錢而搵錢」有何分別。他好像不情願地加入了這個叫「錢」的宗教，盡管他一點也不自豪。因為沒有信念而缺乏安全感，沒有自信，自卑，無法想像未來。因此他短視得為一個月$1400的兼職而放棄學業。他提早了為人生感到無奈。因為並不相信自由意志，他開始流露出那種令人厭惡的受害者語氣。「因為環境差，我又生性，不能對家裡困境視若無睹，所以我要放棄學業...」也許生活並不那樣迫人，也許只是他轉牛角尖，可是他真切地感受到生活的逼迫，並天真地認為無法不在這一刻為未來作決定。 跟他說到口乾，可是其實我並不擔心。至少在諸多辯駁之後他還會答要做個熱血青年。令我意外的是，原來自己仍然很「樂觀」，仍然堅信命運是自己選擇的結果。即使不會再大大聲說要做熱血青年，裡面仍是暖暖的。