仲未玩厭－豆瓣

「我的豆瓣」無聊統計 係358套「我看過」電影中... 「香港」佔141套； "hollywood"佔106套； "fast_food"佔41套； "junk_food"佔18套。 後生時以為自己很「前衛」，原來不過係美國佬同本地薑0既擁躉，當中仲要有唔少係垃圾同超級垃圾。戲種以劇情片為首，懶浪漫野為次，心頭好乃任何兵捉賊故事。 113本「我讀過」書中... 「香港」佔47本； 「台灣」佔30本； 「漫畫／繪本」佔28本； 「亦舒」佔24本； 明顯地，我不但止唔鍾意睇有聊書，根本連字都唔鍾意讀。 玩家報告 1. 改tag 唔似得delicious有改tag功能，如果想將"hong_kong"轉哂做「香港」就要仲個click。定係...我唔識呢? 2. 開唔到0既dou-mail 唔知點解收到一隻開唔到0既dou-mail，因乜解究？ 3. wish list 豆瓣除左可以比我compulsive咁係咁click消磨時間，仲係一個好好0既禮物指南。唔知買咩俾朋友仔，去睇下佢張wish list就得，非常方便。就黎生日0個d，請盡快去開個豆瓣account，多謝合作。 4. 搜尋:繁簡/電影譯名等問題 搵書多數出現繁簡問題，基本上識打簡體字都解決到係煩姐（當然有時都會比大陸譯名玩死，例如：《斯普特尼克情人》）；但係搵戲好多時要打原名，即係法國片要打法文名，打英文名會搵唔到，一唔係以為無自己去新增電影搞到重疊哂。建議大家搵戲時順手用自己母語更新下套戲ｄ資料，等其他同學可以易ｄlocate到唔會1套戲整7個record出黎。 5. 評論 老細，實在有幾多人可以擔當起呢個term呢？改為「觀後感」／「讀後感」會唔會輕ｄ？其實佢有個發言功能，我應該去試用下，但係又怕俾人插... 6. MATCHING! 好鍾意佢個「豆瓣認為和你口味最像的」，連朋友都幫你搵埋，照住你Ｄ書同戲搵番黎架，仲唔係志同道合！？ （然後你咪發現0個D人全部係你D友鄰囉...悶） 朋友仔陸續加入，預期豆瓣遊戲會持續數天。