公主．PROVOCATIVE WOMAN．PLEASURES

回家路上mp3唱起7月7日晴，我大步走大步走咀角忍唔住得戚翹起。正仆街。我不是公主可是你的確正仆街。佩服彭浩翔，找吳彥祖做「王子」，阿嬌做「公主」，拍公廁影街市，比大事件去參展合理好多。老實講阿嬌扮做戲，吳彥祖無乜發揮，陶紅索囉，故事唔算驚天動地，可是叫人拍手，感覺似睇甘豬。你咪隻豬囉，笑。粒咸甘桔你醃都係你食，野！夜晚睇任姐特輯，例牌笑一次小玉fok點樣俾條仆街hea兩句就「面露笑容」，同場加映謝汝州邊話掛死謝素秋邊溝紅蓮；又忍唔住講多次點解*梁山伯蠢過隻豬又係貪靚仔之過;可是當落花滿天蔽月光，仙姐的一泡眼淚和任姐近乎哭號的演譯恍如為「肝腸寸斷」作圖解。扮哂野，根本係瓊瑤個friend。不笑了，面皮再拉不起來。昨晚姊姊上了廁所留下我一個人便不再笑了。'You should never leave me alone.'我看見自己傻傻的獨個兒站在那被冷落的對話中，委屈的很想說I didn't even start it。然後一陣風吹來，我拉一拉衣領，手腕散發出姊姊和大妹的氣味。不要做公主，做個"provocative women"，留下仆街，去找屬於我的"pleasures"。 *任白都有唱過，不過最好睇應該係樂蒂+凌波版。